TEAM MABEL MI-DUYOG SA PAGSAULOG SA EARTH DAY SA DAVAO CITY

Niadtong April 19, 2008 duha ka Team Mabel ang gi-organisa sa opisina ni Konsehala Mabel Sunga Acosta aron mo-duyog sa pagsaulog sa Earth Day Celebrations sa duha ka watershed areas sa syudad sa Dabaw.

Ang unang Team Mabel mi-apil sa gipahigayong Tree Planting Activities sa lokal nga kagamhanang sa Syudad sa Dabaw sa Eden Bayabas Toril nga gisalmutan sa mga Nagkalain-laing buhatan sa City Hall of Davao ug gipanguluhan ni City Administrator Wendel E. Avisado.

Lakip sa mga mitambong sa maong Tree Planting Activity ang mga personahe sa PNP, Philippine Army, DEpEd, DENR, ug mga miyembro sa non-government organizations sa tibuok syudad sa Dabaw. Mukabat kapin Dos mil otso syentos ka mga hard wood nga mga punu-an ang natanum sa maong aktibidades.
Ang ika duhang Team Mabel mi-duyog usab sa ABS-CBN TV4 ug DXAB 1296khz. Tree Planting Activity sa Barangay Baganihan, Marilog District.
Libu-ang punu-an sa Mahogany Tree ang natanum sa Tree Planting Activity sa Barangay Baganihan sa Team Mabel uban ang mga opisyales, staff ug mga TV & Radio personalities sa ABS-CBN Davao.

Kining maong Tree Planting Activity sa ABS-CBN usa sa mga nagkalain-laing kalihokan sa estasyon sama sa Clean-Up Drive o pagpanglimpiyo sa tanang kabaybayonan, kasuba-an ug mga agi-anan sa tubig sama sa creeks, inabagan sa Bantay Dagat Project.